Hjúkrun 2027
Kæru hjúkrunarfræðingar
Það er okkur sönn ánægja að tilkynna að ráðstefnan Hjúkrun 2027 verður haldin dagana 7. og 8. október 2027 á Hilton Reykjavík.
Ráðstefnan er haldin á vegum Félags íslenskra hjúkrunarfræðinga í samstarfi við Háskóla Íslands, Háskólann á Akureyri, Landspítala, Sjúkrahúsið á Akureyri og Heilsugæslu höfuðborgarsvæðisins.
Hjúkrunarráðstefnan er uppskeruhátíð stéttarinnar þar sem hjúkrunarfræðingar koma saman til að fagna árangri, deila þekkingu, kynna nýjar rannsóknir og ræða þau tækifæri og áskoranir sem blasa við faginu. Hún veitir einstakt tækifæri til að efla tengsl, sækja innblástur og styrkja faglegt samfélag hjúkrunarfræðinga um land allt.
Dagskráin verður fjölbreytt og metnaðarfull, með áhugaverðum erindum, líflegum umræðum og fjölmörgum tækifærum til náms og tengslamyndunar.
Takið dagana frá. Við hlökkum til að taka á móti ykkur á Hjúkrun 2027.
Bestu kveðjur,
Helga Pálmadóttir
Formaður undirbúningsnefndar
HILTON REYKJAVIK
Hilton Reykjavik Hotel er glæsilegt og nútímalegt hótel staðsett á Suðurlandsbraut. Hótelið býður upp á 251 smekklega innréttað herbergi í skandinavískum stíl þar sem þægindi og gæði eru í fyrirrúmi. Gestir geta notið framúrskarandi matreiðslu á hinum kunna veitingastað VOX Brasserie, slakað á í lúxus heilsulindinni Hilton Reykjavík Spa með sínum notalegu nuddpottum og gufuböðum, eða nýtt sér nýstárlega fundar- og ráðstefnusali hótelsins. Með ókeypis bílastæðum og frábæru aðgengi er hótelið tilvalinn gististaður fyrir alla sem vilja njóta þess besta sem höfuðborgin hefur upp á að bjóða.