Hjúkrun 2025
Kæru hjúkrunarfræðingar
Með ánægju tilkynnum við að ráðstefnan Hjúkrun 2025 verður haldin dagana 25.- 26. september í Hofi á Akureyri. Ráðstefnan er á vegum Félags íslenskra hjúkrunarfræðinga í samstarfi við Háskóla Íslands, Háskólann á Akureyri, Landspítala, Sjúkrahúsið á Akureyri og Heilsugæslu höfuðborgarsvæðisins.
Ráðstefnan hjúkrun er uppskeruhátíð hjúkrunarfræðinga, þar sem við komum saman til að fagna því sem áunnist hefur í faginu, deila nýjustu þekkingu og hvetja hvert annað áfram.
Dagskráin er ávalt fjölbreytt, með áhugaverðum fyrirlestrum, hvetjandi umræðum og tækifærum til að læra og tengjast öðrum.
Við hlökkum til að sjá ykkur í Hofi á Akureyri á Hjúkrun 2025!
Bestu kveðjur,
Helga Pálmadóttir
Formaður undirbúningsnefndar
Með því að slá inn kóðann HJUKRUN2025 við bókun fá gestir ráðstefnunnar afslátt af gistingu
HOF
Menningarhúsið Hof, staðsett í miðbæ Akureyrar, er eitt af áberandi kennileitum bæjarins. Hringlaga hönnun byggingarinnar er innblásin af íslensku stuðlabergi, sem setur skýran og eftirminnilegan svip á svæðið og laðar að gesti allt árið um kring. Hof þjónar sem upplýsingamiðstöð fyrir ferðamenn og er vinsæll áfangastaður fyrir ferðalanga á Akureyri. Glæsileg hönnun hússins, bæði að utan og innan, skapar hlýlegt andrúmsloft sem vekur aðdáun hjá bæði gestum og vegfarendum.